“Düşünürəm ki, çox çətin, ağır bir oyun oldu. Öz oyun üslubu ilə fərqlənən komandaya qarşı çıxış etdik”.  Apasport.az saytının məlumatına görə, bu sözləri “Qarabağ”ın baş məşqçisi Qurban Qurbanov deyib.

Topaz Premyer Liqasının XVII turu çərçivəsində baş tutan “Sumqayıt”la oyundan sonra açıqlama verən ağdamlıların çalışdırıcısı 2:2 hesabı ilə başa çatan oyun haqqında fikirlərini bölüşüb: “Son vaxtlar nə biz bu qədər qol epizodu yaratmışdıq, nə də rəqib bu qədər qol epizoduna imkan vermişdi. Bəlkə də oyunun ədalətli nəticəsi bərabərlik idi. Futbolçudan istədiyini ala bilməyəndə onun üzərinə getmək əvəzinə soyuqqanlılıq lazım olur. Çünki futbolçular çox yükləniblər. Mən əvvəlcədən bilirdim ki, xal itkiləri ola bilər. Yaxşı komanda ilə oyunda xal itirdik. Mən rəqib komandaya və baş məşqçi Samir Abasova uğurlar arzu edirəm”.