Topaz Premyer Liqasının XVII turunun son günü iki futbolçunun cəzalanması ilə nəticələnib. Apasport.az saytının məlumatına görə, “Neftçi” – AZAL qarşılaşmasında sarı vərəqə alan iki oyunçu cəzalı duruma düşüb.

Bunlar Anyete və Kamal Mirzəyevdi. “Neftçi”nin ispaniyalı legioneri mövsümdə 4-cü dəfə sarı vərəqə alıb. Bu üzdən də “ağ-qaralar” “Kəpəz”lə son turun görüşündə pireneylinin xidmətindən məhrum olub.

Kamal da xəbərdarlıq sayını 4-ə çatdırıb. Gənc futbolçu “Zirə” ilə son turun görüşünü buraxmalı olacaq. Bu da o deməkdi ki, hər iki oyunçu 2015-ci ili başa vurub.