Topaz Premyer Liqasının ilk dövrəsi başa çatandan sonra sərbəst buraxılan “Qarabağ”ın futbolçuları  hələ də istirahətdədi. Apasport.az-ın klubun rəsmi saytına istinadən məlumatına görə, qış fasiləsinə lider kimi yollanan komanda 2016-cı ilin hazırlıqlarına Antalyada başlayacaq.

Ağdamlılar yanvarın 5-də yığışacaq və təlim-məşq toplanışı üçün qardaş ölkəyə yollanacaq. Yanvarın 24-nə qədər Antalyanın Belek bölgəsindəki “İC Santai” otelində məskunlaşacaq “Qarabağ” bu müddətdə 4 yoxlama oyunu keçirməyi planlaşdırır.

Son çempionun yoxlama oyunlarının proqramı belədir:

16  Yanvar – Traktorsazi (İran)

20 Yanvar – Diosgjor (Macarıstan)

23 Yanvar – Admira Wacker (Avstrya)

23 Yanvar – Jagelloniya (Polşa)