İspaniya Sequndasında 25-ci turun oyunları davam edir. Apasport.az saytının məlumatına görə, millimizin üzvü Eddi İsrafilovun şərəfini qoruduğu "Kordoba" bu turda evdə "Saraqosa"yla qarşılaşıb.

Eddi meydana qonaqlar hesabda 2:0 öndə olarkən, oyunun 55-ci dəqiqəsində çıxıb. Ancaq millimizin üzvü komandasını məğlubiyyətdən xilas edə bilməyib. Qarşılaşma 2:0 hesabıyla "Saraqosa"nın qələbəsiylə yekunlaşıb.

İsrafilov oyunun 60-cı dəqiqəsində sarı vərəqə alıb.

Qeyd edək ki, millimizin üzvü ötən oyunda da sarı vərəqə ilə cəzalandırılmışdı.

Hazırda hesabında 40 xal olan "Kordoba" 4-cü pillədə qərarlaşıb.

İspaniya Sequndası

XXV tur

14 fevral

“Kordoba” – “Saraqosa” - 0:2
Qollar: Razak, 5 (öz qapısına), Hinestroza, 48