Qadın voleybolçular arasında Avropa Liqasının yarımfinal mərhələsinin yekununa əsasən statistikası açıqlanıb. Apasport.az saytının məlumatına görə, yarışda ən yaxşılar arasında Azərbaycan millisinin də oyunçuları yer alıblar.

Belə ki, mövsümdə indiyədək 8 görüşün 24 setində meydanda olan Polina Rəhimova bombardirlik mübarizəsində birincidi. Onun əsas izləyicilərinin yarışı dayandırdığını nəzərə alsaq, hücumçumuzun birinci olacağı gözləniləndi.

Yana Kulan da eys sayına görə liderdi. O, 21 hissədə rəqibdən 21 xalı mübarizəsiz alıb. Bu nominasiyada Kulandan 1 xal geri qalan Rəhimova ikincidi. Həmçinin, top qəbulunda Valeriya Məmmədova və toppaylayıcıların yarışında Şəfaqət Həbibova da cəmi 1 rəqibdən geri qalıb.

Faiq Qarayevin komandası yalnız blokda axsayır. Bu mövqedə millimizin əsas voleybolçusu Kseniya Poznyak 12-ci yerdə qərarlaşıb.

Lakin rəqiblərlə müqayisədə yığmamızın finalda da oynayacağını nəzərə alsaq, çox güman ki, “simvolik komanda”nın əksəriyyətini təmsilçilərimiz təşkil edəcək.

Qeyd edək ki, Azərbaycan finalda Slovakiya ilə üz-üzə gələcək.

 Ən çox xal toplayanlar

Ən yaxşı blokçular

Ən yaxşı top qəbul edənlər

Topu oyuna ən yaxşı daxil edənlər

Ən yaxşı toppaylayıcılar