Türkiyənin Alanya şəhərində Avropa Kubokunun növbəti mərhələsi keçirilib. Apasport.az saytının məlumatına görə, yarışda Azərbaycan idmançıları da iştirak edib.

Millimizin lideri Rastislav Pevtsov finişə ikinci çatıb. O, məsafəni 1 saat 47 dəqiqə 45 saniyəyə qət edib. Təmsilçimiz rusiyalı Vladimir Turbayevskidən cəmi 15 saniyə geri qalıb. İlk “üçlüyü” isə bürünc medal uğrunda mübarizədə qardaşı Dmitrini qabaqlayan İqor Polyanski qapayıb. O, Pevtsovdan 1,01 geri qalıb.