UEFA Avropa Liqasının qrup mərhələsində III turun oyunları keçirilib. Apasport.az saytının məlumatına görə, Azərbaycan təmsilçisi “Qəbələ” də növbəti sınağına çıxıb.

Roman Qriqorçukun yetirmələri səfərdə “Sent-Etyen”ə qonaq olublar. İlk iki oyunda qələbə üzünə həsrət qalan əyalət təmsilçisi bu dəfə də yenilgidən qaça bilməyib.

Qrupdakı əvvəlki oyunlarda göstərdiyi yüksək məhsuldarlığı bu oyunda sərgiləyə bilməyən "qırmızı-qaralar" avtoqola üzülübülər.

İlk hissə qolsuz başa çatıb. İkinci hissədə hücumlarını artıran rəqib nəhayət 70-ci dəqiqədə istəyinə çatıb. Cərimə zərbəsindən ötürmə zamanı yaranan qarşıqlıqda Rikardinyo topu başı ilə öz qapısına vurub. 

Oyunun sonlarına yaxın təzyiqi artıran təmsilçimiz bir neçə dəfə qol vurmağa cəhd etsə də, buna nail ola bilməyib.

Avropa Liqası

Qrup mərhələsi, III tur

20 oktyabr

C qrupu

“Sent-Etyen” (Fransa) - “Qəbələ” - 1:0

Qol: Rikardinyo, 70 (öz qapısına)

Baş hakim: Ali Palabıyık

Baş hakimin köməkçiləri: Cem Satman, Əkrəm Kan

Dördüncü hakim: Ceyhun Sesigüzel

Əlavə köməkçi hakimlər: Alper Ulusoy, Volkan Bayarslan

Dördüncü hakim: Ceyhun Sesigüzel (hamısı Türkiyə)

Hakim-inspektor: Laslo Vaqner (Macarıstan)

UEFA nümayəndəsi: Yakob Erel (İsrail)

Sent-Etyen. “Joffrua Qişar” stadionu

“Sent-Etyen”: 30. Cesi Mulin (q), 2. Kevin Teofil Katrin, 9. Noaln Ru, 10. Usama Tannane, 11. Henri Saive, 12. Şeyx Mbengi, 14. Cordan Veretut, 17. Ole Selnaes, 19. Florentin Poqba, 22. Kevin Mone Pake, 24. Loik Perrin (k)

Ehtiyat oyunçular: 1. Antoni Maysonal (q), 5. Vinsent Payot, 7. Bryan Dabo, 23. Aleksandr Soderlund, 25. Kevin Malsuit, 27. Robert Beriç, 35. Arnaud Nordin

“Qəbələ”: 22. Dmitri Bezotosnı (q) (k), 3. Voyslav Stankoviç, 9. Sergey Zenyov, 10. Ruslan Qurbanov, 11. Asif Məmmədov, 15. Vitali Vernidub, 17. Məhəmməd Mirzəbəyov, 19. Flip Ozobiç, 20. Rikardinyo, 27. Teo Uiks, 34. Urfan Abbasov

Ehtiyat oyunçular: 33. David Pietrzkeviç (q), 8. Qismət Əliyev, 30. Petar Franyiç, 32. Rəşad Eyyubov, 39. Sadiq Quliyev, 44. Rafael Santos, 88. Tellur Mütəllimov

Baş məşqçi: Roman Qriqorçuk