Türkiyə Super Liqasında 14-cü tura yekun vurulub. Apasport.az saytının məlumatına görə, turun ilk oyununda millimizin üzvü Ramil Şeydayevin şərəfini qoruduğu “Trabzonspor” “Adanaspor”u qəbul edib.

Ötən turda “Kayserispor”la səfər oyununun son dəqiqələrində meydana çıxaraq, Qaradəniz klubunun heyətində Super Liqada debüt edən Ramil çempionatın aşkar autsayderi ilə oyunda ilk "18-liy"ə girə bilməyib. Görüş isə qaradənizlilərin 4:1 hesablı darmadağını ilə yekunlaşıb.

Millimizin digər üzvü Dəniz Yılmazın top qovduğu “Bursaspor” bu gün meydana çıxıb. “Timsahlar” səfərdə son çempion “Beşiktaş”la üz-üzə gəliblər. Meydan sahibləri Cenk Tosunun vurduğu iki penalti qolu ilə qalib gəliblər. Denizin komandasının gücü isə təsəlli qoluna çatıb.

“Qalatasaray” "Qaziantepspor"u Yasin Öztəkinin het-triki sayəsində məğlub edibsə, “Fənərbaxça” "Antalyaspor"la səfər matçından əliboş dönüb.

Türkiyə Super Liqası

XIV tur

9 dekabr

“Trabzonspor” – “Adanaspor” – 4:1

Qollar: Yusuf Erdoğan, 35, 70, Mehmet Ekici, 55, 74 – Foqunyo, 40

10 dekabr

“Rizəspor” – “Kasımpaşa” - 0:1

Qol: Eduk, 43

“Beşiktaş” – “Bursaspor” - 2:1

Qollar: Cenk Tosun, 53 (pen.), 65 (pen.) - Emre Taşdemir, 90+1
 

“Gənclərbirliyi” – “Başakşəhər” - 0:0

11 dekabr

“Karabükspor” – “Alanyaspor” - 0:2

Qollar: Vaqner Lav, 33, 66

“Akhisar” – “Osmanlıspor” - 1:2

Qollar: Vaz Te, 51 - Serdar Kesimal, 38 (öz qapısına), Umar, 85

“Qalatasaray” – “Qaziantepspor” - 3:1

Qollar: Yasin, 12, 66, 90+6 - Sume, 74
 

“Konyaspor” – “Kayserispor” - 1:0

Qol: Ali Çamdalı, 44

12 dekabr

“Antalyaspor” – “Fənərbaxça” - 1:0

Qol: Yekta Kurtuluş, 65

Turnir cədvəli