Kişi voleybolçular arasında Azərbaycan çempionatında II dövrəyə start verilib. Apasport.az saytının məlumatına görə, baş tutan qarşılaşmalarda liderlər növbəti qələbələrini qazanıblar.

Belə ki, çempionatın yeganə uduzmayan komandası “Neftçi” bu dəfə də xal itirməyib. Azərbaycan çempionu MOİK-ə qalib gəlməklə, birinci pillədəki yerini möhkəmlədib.

“Hərbiçilər”in məğlubiyyəti isə “Naxçıvan”ın xeyrinə işləyib. Onlar “Sumqayıt”a qalib gəlməklə, 3-cü yeri MOİK-dən alıblar.

Turun digər - “Nəqliyyatçı” - “Lokomotiv” duelində isə “dəmiryolçular” çətinlik çəkmədən qələbə qazanıblar.  

VI tur

“Nəqliyyatçı” - “Lokomotiv” – 0:3 (19:25, 17:25, 17:25)

“Naxçıvan” – “Sumqayıt” – 3:0 (25:17, 25:23, 25:19)

“Neftçi” – MOİK – 3:1 (25:14, 22:25, 25:11, 25:18)