Kişi voleybolçulardan ibarət komandalar arasında Azərbaycan Yüksək Liqasında pley-offda mübarizə aparacaq klubların siyahısı müəyyənləşib. Apasport.az saytının məlumatına görə, çempionatın XIII turu həlledici mərhələsinin iştirakçılarına aydınlıq gəlib.

“Nəqliyyatçı” və “Naxçıvan arasında matç həlledici olub. 3:0 hesablı qələbə qazanan sonuncular izləyicisi ilə xal fərqini 10-a çatdırıb. 3 dövrədən ibarət yarışın sonuna 3 tur qaldığından ilk “dördlük” digər iki komanda üçün əlçatmaz olub.

Belə ki, 4-cü pillənin sahibi 18 xala malikdisə, “Nəqliyyatçı” cəmi 8 xal əldə edib. Bu isə o deməkdi ki, “Neftçi”, “Lokomotiv” və MOİK-in ardından naxçıvanlılar da yarımfinala yüksəlib.

Qeyd edək ki, iki dövrədən ibarət olacaq pley-off mərhələsinin ilk dövrəsi martın 15-17-də, son oyunları isə həmin ayın 28-30-da olacaq.