Bakıda təşkil olunacaq IV İslam Həmrəyliyi Oyunları zamanı ölkəmizi təmsil edəcək 23 yaşadək futbolçulardan ibarət Azərbaycan yığmasının ilkin heyəti açıqlanıb. Apasport.az AFFA-nın saytına istinadən xəbər verir ki, siyahıda 37 futbolçunun adı yer alıb.

Baş məşqçi Yaşar Vahabzadə təcrübəli futbolçulardan Ruslan Abışov, Rəşad Sadiqov, Elvin Məmmədov, Rauf Əliyev və Ağabala Ramazanova da dəvət göndərib. İlkin siyahıda Azərbaycan Premyer Liqasının təmsilçilərindən “Sumqayıt”ın 6, “Neftçi”, “Qarabağ” və “Zirə”nin 5, “Qəbələ”nin 4, “Kəpəz” və “İnter”in 2, AZAL-ın isə 1 oyunçusu var.  

Son siyahı isə aprelin 25-dən sonra açıqlanacaq və təcrübəli futbolçulardan yalnız 3-ü heyətdə qalacaq.

Millinin heyəti: Məqsəd İsayev, Maksim Vaylo, Ruslan Abışov, Rahil Məmmədov, Fəhmin Muradbəyli (hamısı “Neftçi”), Mirabdulla Abbasov, Yusif Nəbiyev, Tərlan Əhmədli, Nicat Muxtarov, Azər Salahlı, Bəhlul Mustafazadə (hamısı “Sumqayıt”), Şahrudin Məhəmmədəliyev, Elşən Abdullayev, Mahir Mədətov, Coşqun Diniyev, Ağabala Ramazanov (hamısı “Qarabağ”), Rəşad Sadiqov, Elvin Camalov, Tellur Mütəllimov, Qismət Alıyev (hamısı “Qəbələ”), Vüsal İsgəndərli, Elvin Məmmədov, Vüqar Mustafayev, Adil Nağıyev, Sadiq Quliyev (hamısı “Zirə”), Kamal Mirzəyev (AZAL), Azad Kərimov, Orxan Əliyev (hər ikisi “Kəpəz”), Abbas Hüseynov, Rauf Əliyev (hər ikisi “İnter”), Emil Balayev (“Səbail”), Budaq Nəsirov (“Sportinq”, Portuqaliya), Elnur Cəfərov (“Duqopolye”, Xorvatiya), Ziya Əzizov (“Den Boş”, Hollandiya), Ozan Can Kökcü (“Feyenoord”, Hollandiya), Dmitri Nağıyev (“Dnepr”, Ukrayna), Taşkın İltər (“Dənizlispor”, Türkiyə)