Qəbələdə güllə atıcılığı üzrə keçirilən Dünya Kuboku davam edir. Apasport.az saytının məlumatına görə, yarışın ikinci günündə də 2 dəst medal öz sahibini tapıb.

Fərqlənənlər sırasında yenə azərbaycanlı snayper olmayıb. 50 m məsafəyə atəş açmada hədəf önünə keçən Rəhim Rəhimov 55 nəfər arasında elə 55-ci yerdə qərarlaşıb.

25 m məsafədə yarışda isə Ruslan Lunyov dəqiqliyini yoxlayıb. O, hələlik 15 nəfərin çıxışını bitirdiyi mübarizədə 9-cu yerdədi. Bu isə snayperimizin finala yüksələ bilməyəcəyi deməkdi. Bu növ üzrə yarış sabah bitəcək.

Lunyov iyunun 14-dək davam edəcək yarışda növbəti günlərdə də iş başında olacaq.

Qeyd edək ki, qadınların 25 m məsafəyə atəş açma yarışları da bir gün öncə start götürüb, bu gün başa çatıb.