“Qəbələ” 2017/18 mövsümünə hazırlıq çərçivəsində ikinci təlim məşq-toplanışına start verib. Apasport.az klubun saytına istinadən xəbər verir ki, “qırmızı-qaralar” iyunun 27-də Avstriyanın Zalsburq bölgəsində bir araya gəliblər.

Komanda toplanışın ilk gününü bir məşqlə tamamlayıb. Günün ikinci yarısına təsadüf edən hazırlıq prosesi toplu çalışmalardan ibarət olub.

Roman Qriqorçukun yetirmələrinin bu günə iki məşqi nəzərdə tutulub. İlk hazırlıqda fiziki hazırlıq üzərində çalışacaq kollektiv günün ikinci yarısında meydanda məşq edəcək.

Qeyd edək ki, iyunun 3-də Bakıda bir araya gəlib, ayın 7-23-də Avstriyanın Tirol bölgəsində, İnnsburk şəhəri yaxınlığındakı Fulpmes qəsəbəsində təlim-məşq toplanışında olan “Qəbələ”nin hazırlıq prosesinin ikinci hissəsi iyulun 9-dək davam edəcək. Bu müddətdə komanda üç yoxlama oyununda qüvvəsini sınayacaq.