“Real”ın hücumçusu Alvaro Moratanın yeni komandasının adı müəyyənləşmək üzrədi. Apasport.az saytının xarici mətbuata istinadən məlumatına görə, “Çelsi” ulduz futbolçunun keçidinə çox yaxındı.

Romelu Lukaku uğrunda yarışda “Mançester Yunayted”ə yenilən “zadəganlar” İspaniya millisinin üzvünü əldən buraxmaq fikrində deyillər. “Milan”ın son təklifi “Real”ı qane etmədiyindən, “Çelsi” bu yarışda, demək olar ki, tək qalıb.

İngiltərə KİV-də klublar arasında hətta ilkin razılığın əldə edildiyi də yazılıb. Transferin detalları açıqlanmasa da, yaxın günlərdə keçidin baş tutacağı vurğulanıb.