Yeni mövsümə hazırlaşan “Kəpəz” toplanışın ikinci mərhələsini Türkiyədə keçir. Apasport.az saytının məlumatına görə, Gəncə təmsilçisi bu gün ikinci yoxlama matçına çıxıb.
Komanda Ərzurumda “Ankaragücü” ilə üz-üzə gəlib. Türkiyənin I liqa komandası ilə oyunu yerli hakimlər briqadası idarə edib.
Görüş ankaralıların 2:0 hesablı qələbəsi ilə başa çatıb. Hər iki qol ilk yarıda vurulub.
Qeyd edək ki, “Kəpəz” iki gün əvvəl Türkiyənin digər I liqa təmsilçisi “Samsunspor”la yoldaşlıq görüşü keçirib və 1:2 hesabı ilə məğlub olub.
Yoxlama görüşü
22 iyul
“Ankaragücü” (Türkiyə) - “Kəpəz” (Azərbaycan) - 2:0