DÇ-2018-in seçmə mərhələsi çərçivəsində gələn ay millimizlə qarşılaşacaq Norveç yığmasının heyəti açıqlanıb. Apasport.az saytı bu ölkənin mətbuatına istinadən xəbər verir ki, baş məşqçi Lars Laqerbek 24 oyunçuya dəvət göndərib.

Milliyə çağırılan futbolçuların sırasında “Qalatasaray”ın üzvü Martin Linnes də var.

Qapıçılar: Sten Qritebust (“Odense”, Danimarka), Andre Hansen (“Rusenborq”), Rune Yarsteyn (“Herta”, Almaniya)

Müdafiəçilər: Haytam Alisami (“Palermo”, İtaliya), Omar Elabdellaui (“Olimpiakos”, Yunanıstan), Birger Melinq, Tore Reqiniussen, Yorgen Şelvik (hamısı “Rusenborq”), Hovard Nordtveyt (“Hoffenhaym”, Almaniya), Yonas Svensson (“Alkmar”, Hollandiya),  Qustav Valsvik (“Braunşveyq”, Almaniya)

Yarımmüdafiəçilər: Sander Berge (“Genk”, Belçika), Yo İnqe Berqet (“Malmö”, İsveç), Mats Dehli (“Sankt-Pauli”, Almaniya), Mohamed Elyunussi (“Bazel”, İsveçrə), Stefan Yohansen (“Fulhem”, İngiltərə), Anders Konradsen, Anders Trondsen (hər ikisi “Rusenborq”), Martin Linnes (“Qalatasaray”, Türkiyə), Ole Kristian Selnaes (“Sent-Etyenn”, Fransa)

Hücumçular: Tarik Elyunussi (“Olimpiakos”, Yunanıstan), Byön Yonsen (“Den Haq”, Hollandiya), Coşua Kinq (“Bornmut”, İngiltərə), Aleksander Sörlot (“Midtyulland”, Danimarka)

Qeyd edək ki, Norveç - Azərbaycan matçı sentyabrın 1-də keçiriləcək.