Azərbaycan Premyer Liqasının III turu çərçivəsində "Kəpəz”lə qarşılaşacaq "Neftçi" oyunun hazırlığına start verib. Apasport.az klubun saytına istinadən xəbər verir ki, "ağ-qaralar" bu gün baş məşqçi əvəzi Elşad Əhmədovun rəhbərliyi altında məşq edib.

Hazırlıq prosesi İsmət Qayıbov adına təlim-məşq bazasının meydançasında baş tutub.

Qeyd edək ki, "Neftçi" - "Kəpəz" oyunu avqustun 25-də keçiriləcək.