[b]Fatih Terim federasiyanı hədələdi: Pulumu verin![/b]
22.09.2017 - 10:01
[b]Fatih Terim federasiyanı hədələdi: Pulumu verin![/b]

Türkiyə millisinin sabiq baş məşqçisi Fatih Terim Türkiyə Futbol Federasiyasına (TFF) xəbərdarlıq edib. Apasport.az saytının yerli mətbuata istinadən məlumatına görə, təcrübəli mütəxəssis pulunu tələb edib.

 

İyulun 26-da yığmadan qovulan Terim rəsmi müraciət edərək, 1 illik maaşının ödənilməsini istəyib. 64 yaşlı məşqçinin 2013-cü ildə imzaladığı 5 illik müqavilədə onun illik məvacibi 3,5 milyon avro göstərilib.

 

Anlaşmanın sonuna 16 ay qalmış vəzifəsindən göndərilən Terim federasiyadan 12 ayın təzminatını istəyib. Bu isə 3,5 milyon avro edir. Halbuki onun TFF-dən 4,6 milyon avro pul almaq hüququ var. Mütəxəssis əks təqdirdə qurumu məhkəməyə verməklə hədələyib.

 

Qeyd edək ki, Fatih Terimin gedişindən sonra Türkiyə yığmasının “sükanı arxası”na Mirça Luçesku gətirilib.

0