Bakı. Kənan Həsənov-APA-Sport. Azərbaycanın boks üzrə gənclərdən ibarət milli komandası mayın 5-də Moldovanın Tiraspol şəhərində start götürəcək beynəlxalq turnirdə iştirak edəcək. Bu haqda “APA-Sport” agentliyinə Gənclər və İdman Nazirliyinin mətbuat katibi Səmayə Məmmədova məlumat verib. Onun sözlərinə görə, mayın 11-dək davam edəcək yarışda ölkəmizi İlkin Ağayev (54 kq), Malik Məmmədzadə (81 kq), Qurban Qurbanov (48 kq), Elvin Əliyev (57 kq), Anar Cəfərov (64 kq), İsmət Eynullayev (60 kq) və Fərid Möhsümov (69 kq) təmsil edəcək. Boksçularımız Moldovaya baş məşqçi Şamil Əlimcanov və məşqçi Salam Bağırovun rəhbərliyi altında yollanacaqlar.