Çempionlar Liqasının qrup mərhələsinin V turu çərçivəsində keçiriləcək “Qarabağ” – “Çelsi” matçının əmsalları açıqlanıb. Apasport.az saytının məlumatına görə, bu gün Bakıda baş tutacaq görüşdə rəqib aşkar favoritdi.

Londonluların qalib gəlməsi 1,30, məğlubiyyəti 11,00 əmsaldı. Görüşdə heç-heçəyə 5,25 əmsal verilib.

Bukmekerlərin qənaətinə əsasən matç bolqollu olmayacaq. Onların proqnozuna əsasən ingilislər 1:0 və 2:0 hesabı ilə qalib gələcəklər. Belə ki, qarşılaşmada qeydə alına biləcək hesablarda ən aşağı əmsal, yəni daha inandırıcı nəticə “Çelsi”nin 1 və ya 2 cavabsız qol vurmasıdı. Bu nəticənin əmsalı 5,75-di.

Qurban Qurbanovun komandasına xal qazandıracaq nəticələr arasında ən inandırıcısı yenə 0:0-dı. Bunu proqnozlaşdıranlara əmanətlərini 9,25 dəfə artırmaq şansı verilib.

“Qarabağ”a qələbə qazandıra biləcək ən inandırıcı hesab 1:0-dı. Buna 19,00 əmsal verilib. Digər hesablarla 3 xal qazanmağımız isə 26 əmsaldan başlayır.