Bakı. Kənan Həsənov - APA-Sport. Azərbaycanın boks üzrə milli komandasının üzvü Elçin Əlizadənin aylıq məvacibi azaldılıb. Bu haqda “APA-Sport” agentliyinə Boks Federasiyasının prezidenti Ağacan Abıyev məlumat verib. Onun sözlərinə görə, E.Əlizadə bu aydan etibarən 1000 deyil, 500 dollar məvacib alacaq. Bunun səbəbi isə boksçunun dünya çempionatında və iki beynəlxalq turnirdə Pekin olimpiadasına vəsiqə qazana bilməməsidir.
Qeyd edək ki, E.Əlizadə Milli Olimpiya Komitəsindən və şərəfini qoruduğu “Sədərək” klubundan məvacib alır.