Qadınlar arasında voleybol üzrə Rusiya kubokunun qalibi bəlli olub. Apasport.az saytının məlumatına görə, həlledici görüşdə milli komandamızın üzvü Natalya Məmmədovanın komandası “Dinamo Kazan” Krosnayarsk “Yenisey”i ilə üz-üzə gəlib.

Tatarıstan təmsilçisi doğma meydanda rəqibini 3:0 hesabı ilə məğlub edib – 25:20, 25:18, 25:20.

Matça əsas heyətdə başlayan Natalya komandasının qələbəsinə 16 xalla töhvə verib. O, matçın ən yaxşı oyunçusu seçilib.