Bu gün qadın voleybolçular arasında Azərbaycan Super Liqasında II turun oyunları keçirilib. Apasport.az saytının məlumatına görə, günə “Azərreyl” – AVF matçı ilə start verilib.

“Dəmiryolçular” qarşılaşmada aşkar favorit idilər. Doğrudu, böyük ümidlər bəslənilən AVF-in asanlıqla təslim olacağı gözlənilmirdi. Lakin “Azərreyl” rəqibini hər 3 setdə üstələyərək, ikinci qələbəsini qazanıb.

Günün digər matçında “Abşeron” “Lokomotiv”i sınağa çəkib. “Abşeron” ilk turdakı qələbənin təsadüfi olmadığını bu görüşdə də sübuta yetirib – 3:0.

Azərbaycan Super Liqası

26 yanvar

II tur

“Lokomotiv” – “Abşeron” - 0:3 (21:25, 17:25, 19:25)

“Azərreyl” - AVF - 3:0 (25:23, 25:19, 25:13)