Bu gün kişi voleybolçular arasında Azərbaycan Yüksək Liqasında növbəti qarşılaşma keçirilib. Apasport.az saytının məlumatına görə, Voleybol Mərkəzində təşkil olunan matçda ölkə çempionu “Lokomotiv” “Naxçıvan”ı sınağa çəkib.

Fərid Cəlalovun yetirmələri ilk 2 görüşdə olduğu kimi, bu dəfə də asan qələbəyə seviniblər. Onlar ikinci setdə rəqibə cəmi 5 xal veriblər. Yekunda 3:0 hesabı ilə qalib gələn "dəmiryolçular" turnir cədvəlindəki liderliklərini möhkəmlədiblər. 

Yüksək Liqa
5 fevral

“Lokomotiv” – “Naxçıvan” - 3:0 (25:18, 25:5, 25:15)