[b]Yenə legioner, yenə eyni idman növü və ya 6-cı cəhd[/b]

09.02.2018 - 09:26

Bu gün Pxençxanda rəsmi açılış mərasimi keçiriləcək XXIII Qış Olimpiya Oyunlarında Azərbaycan millisinin 6-cı cəhdi olacaq. Apasport.az saytının məlumatına görə, ilk dəfə 1998-ci ildə Yaponiyanın Naqano şəhərində “Ağ Olimpiada”ya qatılan yığmamız bundan sonra yarışın ənənəvi iştirakçısına çevrilib.

Ardıcıl 6-cı dəfə yarışa qatılan komandamızın ən yaxşı nəticəsi Soçi-2014-ə təsadüf edib. Həmin vaxt Aleksey Sitnikov – Yuliya Zlobina cütlüyü fiqurlu konkisürmədə 12 yeri tutub.

Buna kimi qatıldığımız yarışlarda ən pis nəticə Elbrus İsakovun adındadı. Naqanoda xəstəlik səbəbindən yarışa qatılmayan idmançı 4 il sonra çıxışını başa vura bilməyib. Qaya Bassani Antivari isə ötən il start xəttinə çıxmayıb.

Pxençxanda 1 idmançımız qüvvəsini sınayacaq ki, bununla da Qış Olimpiya Oyunlarına qatıldığımız atletlərin sayı dəyişməz qalacaq – 13. Çünki Elbrus İsakov, Kristina Frezer və İqor Lukanin, Qaya Bassani Antivari kimi Patrik Braxner də ardıcıl ikinci dəfə Olimpiadada mübarizə aparacaq.

Maraqlıdı ki, idmançılar ölkəmizi yalnız fiqurlu konkisürmə və dağ xizək idmanı növündə təmsil edib. Bu dəfə də istisna olmayıb. Cənubi Koreyaya yollanan heyətdə yer alan idmançımız məhz dağ xizəyinin slalom və nəhəng slalom yarışlarında start xəttinə çıxacaq.

Qeyd edək ki, “Ağ Olimpiada”da indiyədək yalnız milliləşdirilmiş legionerlərə güvənmişik.

Azərbaycan millisi Qış Olimpiya Oyunlarında

Naqano-1998

Fiqurlu konkisürmə

Yuliya Vorobyova – 16-cı yer

İqor Paşkeviç – 16

İnqa Rodionova - Aleksandr Aniçenko – 18

Dağ xizək idmanı

Elbrus İsakov - xəstələndiyi üçün yarışa qatılmayıb.

Solt-Leyk-Siti-2002

Fiqurlu konkisürmə

Sergey Rılov – 24