“Nou Kamp”da bizi yaxşı qarşıladılar. Bütün azarkeşlərə minnətdaram”. Apasport.az saytı xəbər verir ki, bu sözlər “Çelsi”nin futbolçusu Pedro Rodrigesə məxsusdu.

Çempionlar Liqasının 1/8 final mərhələsinin cavab oyunları çərçivəsində “Barselona” ilə qarşılaşan “zadəganlar” 0:3 hesabı ilə uduzaraq, mübarizəni dayandırıblar.

Oyundan sonra UEFA-nın saytına açıqlama verən təcrübəli futbolçu bunları deyib: “Turnirdə mübarizəni dayandırdıq. Ümid edirəm ki, Çempionlar Liqasını “Barselona” qazanar. Sabiq komandamın bu uğura imza atmasını istəyirəm”.

Qeyd edək ki, Pedro “Barselona”nın yetirməsidi.