Çempionlar Liqasının yarımfinalında üz-üzə gələcək “Liverpul” (İngiltərə) və “Roma”nın (İtaliya) avrokubokdakı yolları 4-cü dəfə kəsişir. Apasport.az saytının məlumatına görə, əvvəlki duellərin ikisində britaniyalılar sevinibsə, bir dəfə komandalar qrupda rəqib olublar.

1983/84 mövsümündə Kuboklar Kubokunun finalındakı tək oyunun taleyini penaltilər həll edib. “Liverpul” 1:1 hesabı ilə başa çatan matçsonrası “lotereya”da qalib gəlib – 4:2.

2000/01 mövsümündə UEFA kubokunda hər komanda səfərdə qalib gəlib. İtaliyada 2 cavabsız qol vuran ingiltərəlilər evdə 0:1-ə üzülsə də, mərhələ adlayıb.

2001/02 mövsümündə Çempionlar Liqasının qrupundakı görüşlərdə “Roma” qola həsrət qalıb – 0:0, 0:2.

Bir sözlə, penaltilər seriyasını saymasaq, 3 duel çərçivəsindəki 5 görüşdə  “Liverpul” 2, “Roma” 1 qələbə qazanıb, 2 dəfə heç-heçə qeydə alınıb. Top fərqində də “qırmızılar”üstündü – 5:2.