Çempionlar Liqasında mübarizəni dayandıran “Mançester Siti”nin baş məşqçisi Pep Qvardiolanın yarımfinalda hansı kluba azarkeşlik edəcəyi müəyyənləşib. Apasport.az saytının məlumatına görə, bunu ispaniyalı mütəxəssisin özü açıqlayıb.

O bildirib ki, əvvəllər çalışdırdığı Almaniya “Bavariya”sının uğurunu istəyir: “Ümid edirəm ki, “Bavariya” yarımfinalda “Real”ı keçəcək. Bəxtin onların üzünə güləcəyinə və finala yüksələcəyinə ümidliyəm”.

Qeyd edək ki, Qvardiola 2013-16-cı illərdə Münhen klubunun baş məşqçisi olub.