Avropa çempionatında iştirak edəcək qadın güləşçilərimizin adları açıqlanıb. Apasport.az saytının məlumatına görə, Rusiyanın Kaspiysk şəhərində baş tutacaq yarışa yığmamız 9 idmançı ilə yollanacaq.

Millimizin baş məşqçisi Aslan Ağayev qitə çempionatında Mariya Stadnik (50 kq), Anjela Doroqan (53 kq), Solmaz Həşimzadə (55 kq), Alyona Kolesnik (57 kq), Tatyana Omelçenko (59 kq), Elmira Qəmbərova (62 kq), Elis Manolova (65 kq), İrina Netreba (68 kq) və Səbirə Əliyevaya (76 kq) güvənəcək. 

Qeyd edək ki, Avropa çempionatı aprelin 30-da yunan-Roma güləşçilərinin mübarizəsi ilə başlayacaq. Ardınca mayın 2-4-də qadın, 4-6-da sərbəst güləşçilər qüvvələrini sınayacaqlar.