Bakı. Mehman Süleymanov - APA-Sport. Azərbaycanı İntertoto kubokunda təmsil edəcək “Neftçi” klubu ukraynalı müdafiəçi Vladimir Oliferi transfer edir. “APA-Sport” agentliyinin məlumatına görə, Kiyevin “Dinamo” klubu 21 yaşlı yarımmüdafiəçi Denis Oleyniki buraxmadığı üçün baş məşqçi Anatoli Demyanenko hələlik bir həmyerlisi ilə kifayətlənmək məcburiyyətindədir. Son mövsümü “Naftovik-Ukrnafta” klubunda keçirən 28 yaşlı müdafiəçi 7 oyuna 1 qol vurub. Vətənində bundan əvvəl keçirdiyi üç mövsümdə “Vorskla”, “Krivbass” və “İliçevets” klublarında da çıxış edən V.Olifer 39 görüşdə 1 dəfə fərqlənib.