23 yaşlı beynəlxalq qrossmeysterimiz ilk oyununu ağ fiqurlarla Peter Lekoya (Macarıstan) qarşı keçirəcək. Ş.Məmmədyarov iyunun 29-da Yan Nepomnyaşi (Rusiya), iyulun 1-də Yan Qustafsson (Almaniya), 2-də isə Arkadi Naydiçlə (Almaniya) oynayacaq. Həmyerlimiz bir günlük istirahətdən sonra sabiq dünya çempionu Vladimir Kramniklə (Rusiya) mübarizə aparacaq. Turnirin son iki günündə qrossmeysterimizin rəqibləri müvafiq ardıcıllıqla - iyulun 5-də Vasili İvançuk (Ukrayna), 6-da Luk van Veli (Hollandiya) olacaq.
Qeyd edək ki, Ş.Məmmədyarov ötən il təşkil edilən yarışda 3,5 xal toplamaqla 5-ci olub. Birinci yeri isə 5 xalla V.Kramnik tutub.