Bakı. Kənan Həsənov - APA-Sport. Azərbaycanın qadınlardan ibarət voleybol yığması Avropa çempionatının pley-off mərhələsinə qələbə ilə başlayıb. “APA-Sport”un məlumatına görə, Faiq Qarayevin yetirmələri Quba Olimpiya Kompleksində Yunanıstanı məğlub edib. Yığmamız ardıcıl üç setdə rəqibindən üstün olub - 25:20, 25:15, 25:14. Komandalar arasında cavab matçı sentyabrın 14-də Afinada keçiriləcək. Cütün qalibi Avropa çempionatının final mərhələsinə vəsiqə qazanacaq.