Bakı. Kənan Həsənov - APA-Sport. Türkiyə yığmasının hücumçusu Semih Şəntürkə “gümüş butslar” verilib. “APA-Sport”un məlumatına görə, bu hədiyyə “Adidas” tərəfindən hazırlanıb. İdman mallarının istehsalı ilə tanınmış firma yaydığı açıqlamada istedadlı futbolçunun mükafata Avropa çempionatında 3 qol vurduğu üçün layiq görüldüyünü bildirib. Şəntürk sabah İstanbulda dünya çempionatının seçmə mərhələsi çərçivəsində keçiriləcək Türkiyə - Belçika matçına “gümüş butslar”da çıxacaq.