Bakı. Vüqar Xeyrullayev - APA-Sport. UEFA prezidenti Mişel Platini səhvini başa düşüb. “APA-Sport”un məlumatına görə, bir neçə gün əvvəl “Arsenal”ın baş məşqçisi Arsen Vengeri sərt tənqid edən fransalı funksioner geri çəkilməyə məcbur olub. Həmin vaxt “Vengeri futbol yox, biznes maraqlandırır” deyən Platini həqiqətən də həddini aşdığını düşünür: “Mən həddən artıq sərt danışmışdım. Hələ “Nansi”də birgə çalışdıqları dövrdən Vengerlə tanış olan atam bu sözlərimə görə məni danladı. Mən biznes deyəndə 13-14 yaşlı oyunçuların transfer olunmasını nəzərdə tuturdum ki, bunu da heç cür qəbul edə bilmirəm”.