Bakı. Mehman Süleymanov - APA-Sport. Bu gün keçirilən MOİK – “Xəzər-Lənkəran” oyunu ilə Azərbaycan Premyer Liqasında VI tura start verilib. “APA-Sport”un məlumatına görə, lənkəranlılar ardıcıl beşinci qələbəsini “Şəfa” stadionunda “hərbçilər”i darmadağın etməklə qazanıb və bununla da vahid liderliyi ələ keçirib. Rəqib qapısına bütün qolları İvan Svetkov vurub. 29 yaşlı bolqar hücumçu “Xəzər-Lənkəran”ın heyətində keçirdiyi hər üç oyunda fərqlənib. Cari mövsümdə ilk “poker”in müəllifi olan Svetkov bombardirlər yarışında vahid lider olub və ən yaxın izləyicilərini böyük fərqlə qabaqlayır.
Qeyd edək ki, cari mövsümdə ilk het-trikin müəllifi olan “Qəbələ”nin iranlı hücumçusu Fərzad Hatəmi də bunu MOİK “Şəfa”dakı görüşdə reallaşdırıb.

MOİK – “Xəzər-Lənkəran” - 0:4
İvan Svetkov, 30, 34-pen, 64, 88

	komandalar	o	q	h	m	t	x
1	Xəzər-Lənkəran	6	5	0	1	15-3	15
2	Karvan	5	4	0	1	9-2	12
3	Simurq	5	3	1	1	6-4	10
4	Bakı	5	3	1	1	4-3	10
5	İnter	5	2	3	0	7-2	9
6	Olimpik	5	2	2	1	5-4	8
7	Standard	5	2	1	2	5-8	7
8	Qarabağ	5	2	1	2	6-7	7
9	Qəbələ	5	2	1	2	9-5	7
10	Neftçi	5	1	2	2	1-2	5
11	NBC	5	1	0	4	4-8	3
12	MOİK	5	1	0	4	2-9	3
13	Bakılı	5	0	1	4	4-10	1
14	Turan	5	0	1	4	1-11	1

Bombardirlər: İvan Svetkov (“Xəzər-Lənkəran”) – 7, Fərzad Hatəmi (“Qəbələ”), Rahid Əmirquliyev, Romulo Silvano (hər ikisi “Xəzər-Lənkəran”) – 3.

Sabah “Neftçi” – NBC, “Qarabağ” – “Simurq”, “Olimpik” – “Standard”, ertəsi gün “İnter” – “Turan”, “Karvan” – “Qəbələ” və “Bakılı” – “Bakı” oyunları keçiriləcək.