Bakı. Aqşin Əliyev - APA-Sport. XXIX Pekin Yay Olimpiya Oyunlarının qalibi Elnur Məmmədli Azərbaycanın mobil operatoru “Bakcell” şirkətinin qonağı olub. “APA-Sport”un məlumatına görə, 20 yaşı cüdoçu ilə görüş şirkətin baş ofisində keçirilib.
“Bakcell” rəhbərliyi olimpiya çempionuna özünəməxsus hədiyyə təqdim edib. Belə ki, Elnur Məmmədliyə açıq xətli “Bakcell” nömrəsi bağışlanılıb. Cüdoçu bu nömrə ilə limitsiz danışıq imkanına malik olacaq. Başqa sözlə, Elnurun zənglərinin xərci elə şirkət tərəfindən ödəniləcək.