Bakı. Kənan Həsənov - APA-Sport. Azərbaycanım gənc qılıncoynadanları Hollandiyanın Amsterdam şəhərində təşkil olunan Avropa çempionatında uğursuz start götürüblər. “APA-Sport”un Qılıncoynatma Federasiyasının vitse-prezidenti Yaşar Məmmədova istinadən verdiyi məlumata görə, yarışın birinci günündə səhnəyə çıxan üç təmsilçimiz etimadı doğrultmayıb.

Belə ki, 110 şpaqaçının mübarizəsində ən yaxşı nəticəni 65-ci yeri tutan Tehran Rəsulov qazanıb. Yığmamızın digər üzvlərindən Bəkir Namazov 85-ci, Etibar Namazov 94-cü pillədə qərarlaşıblar.

Bu gün isə sablyaçı xanımlar mübarizəyə qoşulacaqlar. Avropa çempionatı noyabrın 8-də başa çatacaq.