İran Güləş Federasiyası birgə təlim-məşq toplanışı keçmək üçün Azərbaycan yığmasına dəvət göndərib. Bu haqda apasport.az saytına Azərbaycan Güləş Federasiyasının (AGF) rəsmisi Mətləb Abdullayev məlumat verib. Onun sözlərinə görə, AGF rəhbərliyi iranlıların təklifini müsbət qarşılayıb.

Birgə təlim-məşq toplanışı Mazandaran şəhərində baş tutacaq. Yunan-Roma üzrə yeniyetmələrdən ibarət milli komandamız dekabrın 13-də səfərə yola düşəcək. Məşqçilər Akif Əliyevlə Orxan Əliyevin başçılığı altında İrana 18 pəhləvanımız gedəcək. Təlim-məşq toplanışı dekabrın 26-da yekunlaşacaq.