Beynəlxalq Olimpiya Komitəsi (BOK) tərəfindən cəzalanan Pekin Olimpiadasının mükafatçıları Vadim Devyatovski və İvan Tixon dopinqdən istifadə etmədiklərini bildirirlər. Apasport.az saytının məlumatına görə, belaruslu çəkic atanlar günahlarını yumaq üçün maraqlı səbəb göstəriblər. Onların sözlərinə görə, Olimpiada öncəsi iki ay sekslə məşğul olmadıqları üçün orqanizmlərində testosteron maddəsi artıb. Tixon dopinq-testin nəticəsinin belə olmasını həm də pəhriz saxlamaqla izah edib.

BOK-un qərarına əsasən, Pekin Olimpiadasında ikinci və üçüncü yeri tutan Devyatkovskiylə Tixonun medalları əllərindən alınacaq.