Sabah atletika üzrə yeniyetmələr və gənclər arasında Azərbaycan birinciliyi start götürəcək. Azərbaycan Gənclər və İdman Nazirliyinin mətbuat katibi Səmayə Məmmədovanın apasport.az saytına verdiyi məlumata görə, yarışda hündürlüyə tullanma, nüvə itələmə, üç təkanla tullanma, 60 m, 400 m və 1500 m məsafələrə qaçış növlərində mübarizə olacaq.

Respublika Olimpiya Mərkəzində keçiriləcək birinciliyə 1994-95-ci və 1990-91-ci il təvəllüdlü oğlan və qızlar qatılacaqlar. Yarışın final mərhələsi yanvarın 17-də baş tutacaq.