Azərbaycanlı futbolçular “Birlik kuboku”nun ¼ finalında
19.01.2009 - 11:02
Rusiyanın Moskva şəhərində keçirilən “MDB və Baltika ölkələrinin çempionlarının Birlik kuboku” turnirində ¼ final mərhələsinə vəsiqə qazanan komandalardan 4-ü məlum olub. Apasport.az saytının məlumatına görə, Latviyanın “Ventspils”, Qazaxıstanın “Aktobe”, Moldovanın “Şerif” və Belarusun “MTZ-RİPO” komandaları qrup mərhələsinin son oyunundan asılı olmayaraq növbəti mərhələyə yüksəlib.
Heyətində iki azərbaycanlı futbolçu olan Belarus təmsilçisi ilk turda “Ekranas”a (Litva) uduzsa da, “Aşqabad”ı (Türkmənistan) 4:0 məğlub etməklə vəsiqəni özünə təmin edib. Bu qrupda müsabiqədənkənar çıxış edən Rusiya gənclər yığmasının nəticələrinin nəzərə alınmamağı “MTZ-RİPO”nu ¼ finala daşıyıb. Minsklilərin heyətində çıxış edən Elmar Xeyirov və Arzu Nəsibov da bu matçların iştirakçısı olub. Bir ildir komandanın sıralarında olan Elmar ilk matçın 81-ci dəqiqəsində meydana daxil olub. İkinci qarşılaşmada isə hər iki futbolçumuz son 13 dəqiqəni meydanda olaraq ¼ finala vəsiqənin qazanılmasında pay sahibi olub. Bu Arzunun Belarus klubunda ilk rəsmi oyunu olub.
Qeyd edək ki, Xeyirovla Nəsibova qədər yalnız 4 azərbaycanlı futbolçu xarici komanda ilə “Birlik kuboku”nda iştirak etmişdi. Belə ki, Ruslan Lukin, Dmitri Kramarenko, Nazim Süleymanov və Ruslan Musayev də başqa ölkə təmsilçisi ilə Moskva turnirinə qatılıb.
Heyətində iki azərbaycanlı futbolçu olan Belarus təmsilçisi ilk turda “Ekranas”a (Litva) uduzsa da, “Aşqabad”ı (Türkmənistan) 4:0 məğlub etməklə vəsiqəni özünə təmin edib. Bu qrupda müsabiqədənkənar çıxış edən Rusiya gənclər yığmasının nəticələrinin nəzərə alınmamağı “MTZ-RİPO”nu ¼ finala daşıyıb. Minsklilərin heyətində çıxış edən Elmar Xeyirov və Arzu Nəsibov da bu matçların iştirakçısı olub. Bir ildir komandanın sıralarında olan Elmar ilk matçın 81-ci dəqiqəsində meydana daxil olub. İkinci qarşılaşmada isə hər iki futbolçumuz son 13 dəqiqəni meydanda olaraq ¼ finala vəsiqənin qazanılmasında pay sahibi olub. Bu Arzunun Belarus klubunda ilk rəsmi oyunu olub.
Qeyd edək ki, Xeyirovla Nəsibova qədər yalnız 4 azərbaycanlı futbolçu xarici komanda ilə “Birlik kuboku”nda iştirak etmişdi. Belə ki, Ruslan Lukin, Dmitri Kramarenko, Nazim Süleymanov və Ruslan Musayev də başqa ölkə təmsilçisi ilə Moskva turnirinə qatılıb.
0
0