“Azərbaycanda futbolun inkişafı üçün çox işlər görülür”. Apasport.az saytının məlumatına görə, bu sözləri FİFA prezidenti Yozef Blatter deyib. “MDB və Baltika ölkələrinin çempionlarının Birlik kuboku” turnirinin açılış mərasimində iştirak edən Blatter təşkil olunan mətbuat konfransında Azərbaycan futbolu haqda fikir bildirib: “Bu məsələyə münasibətdə yalnız Azərbaycan milli komandasının səviyyəsi barədə danışmaq düzgün olmazdı. Bizim Azərbaycanın nümayəndələri ilə əməkdaşlığımız olub və dostluğumuzu bundan sonra da davam etdirəcəyik. Turnir ərəfəsində AFFA nümayəndələri ilə görüşmüşük”.