İsrailin “Makkabi” və İspaniyanın “Barselona” basketbol klubları arasında keçirilən oyunda narazılıq yaşanıb. Apasport.az saytının məlumatına görə, tribunada görüşün gedişini izləyən bir qrup azarkeş özləri ilə zala gətirdikləri Fələstin bayraqlarını nümayiş etdiriblər.

Onlar İsrailin Qəzza bölgəsində fələstinlilərə qarşı aparılan hərbi əməliyyatlara və dinc sakinlərin öldürülməsinə etiraz ediblər. Hətta fanatlardan bir neçəsi meydançaya daxil olaraq, oyunu yarımçıq dayandırıblar. Asayiş keşikçiləri həmin azarkeşləri zaldan çıxarıb. Buna baxmayaraq, matçın sonunadək tribunalarda “Fələstin, Fələstin” şüarları eşidilib.