Vaxtilə Azərbaycan güləş yığmasının heyətində çıxış etmiş Xızır Durqayevin cəzası ləğv olunub. Apasport.az saytının məlumatına görə, 2007-ci ildə qanında istifadəsi qadağan olunan dərman preparatı tapıldığı üçün 3 illik beynəlxalq yarışlardan məhrum edilən idmançının cəzasının ləğvi barədə Rusiya Güləş Federasiyasının birinci vitse-prezidenti Georgi Bryusov açıqlama verib.

O, bildirib ki, iki il öncə Azərbaycan milli komandasının heyətində çıxış edərkən dopinqdə ilişən Durqayev əslində günahsız imiş: “Durqayev bilərəkdən hansısa gücləndirici maddədən istifadə etməyib. Nəhayət, bunu FİLA qarşısında sübut edə bildik. Bundan sonra Xızır beynəlxalq yarışlara qatılmaq üçün Rusiya yığmasının heyətinə düşməyə çalışmalıdır”.