Aprelin 3-də Rumıniyanın paytaxtı Buxarestdə ağırlıqqaldırma üzrə növbəti Avropa çempionatı start götürəcək. Gənclər və İdman Nazirliyinin mətbuat katibi Səmayə Məmmədovanın apasport.az saytına verdiyi məlumata görə, qitə birinciliyində ölkəmiz yeddi idmançı ilə təmsil olunacaq. 10 gün davam edəcək yarışda baş məşqçi Vahid Nəzərovun rəhbərliyi altında mükafatlar uğrunda Zülfüqar Süleymanov (62 kq), Əfqan Bayramov, Sərdar Həsənov (hər ikisi 69 kq), Namiq Cəmilov (77 kq), İntiqam Zairov (85 kq), Rövşən Fətullayev və Əlibəy Səmədov (hər ikisi 94 kq) mübarizə aparacaqlar.

Qeyd edək ki, Azərbaycanın ən tanınmış ağırlıqqaldıranları Nizami Paşayevlə Turan Mirzəyev qeyri-müəyyən səbəblərdən Avropa çempionatına aparılmır.