Azərbaycanın ən tanınmış idman saytlarından biri extratime.az-ın 1 yaşı tamam olub. Ötən ilin aprelində fəaliyyətə başlayan bu portal Azərbaycan idmanı barədə rus dilində operativ, dəqiq və qərəzsiz informasiyalar yayır.

Fəaliyyətdə olduğu 1 il ərzində extratime.az-da eksklüziv xəbərlər, maraqlı müsahibələr, araşdırmalar dərc olunub. Həmçinin, saytın əməkdaşları istinad mədəniyyətinə həssas yanaşırlar. Burada plagiat materiallarını görmək mümkün deyil.

Apasport.az rəhbərliyi 1 yaşının tamam olması münasibətilə extratime.az kollektivini təbrik edir, onlara gələcək işlərində də uğurlar arzulayır.