FİFA prezidenti Yozef Blatter Moldovada işgüzar səfərdə olub. Apasport.az saytının məlumatına görə, ali futbol qurumunun başçısı ölkə prezidenti Vladimir Voronin, Moldova Futbol Federasiyasının prezidenti Pavel Çebanu və mitropolit Vladimirlə görüşüb.

Blatter bu ölkədə hədiyyəsiz qalmayıb. Belə ki, Kişinyov və bütün Moldovanın mitropoliti olan Vladimir ona şəxsən ölkənin ən yüksək dövlət mükafatı olan Böyük Ştefan Ordenini təqdim edib. Voronin isə nüfuzlu qonağa bir butulka konyak bağışlayıb.

Qeyd edək ki, Blatterin səfər zamanı milli komandaların Vadul-luy-Vodedə yerləşən bazasına baş çəkməsi və orda mətbuat konfransı keçirməsi nəzərdə tutulub.