Qadınlardan ibarət Azərbaycan voleybol yığması dünya çempionatının seçmə mərhələsində bu gün ilk oyununu keçirib. Apasport.az saytının məlumatına görə, Faiq Qarayevin başçılıq etdiyi milli komandamız yer aldığı D qrupuna qələbə ilə başlayıb.

Voleybolçularımız Quba Olimpiya Kompleksində İsrail yığmasını məğlub edib – 3:1 (25:14, 23:25, 25:20, 25:15). Digər oyunda Ukrayna milli komandası Belarusa uduzub – 0:3. Sabah yığmamız məhz Belarusa qarşı mübarizə aparacaq.