Məşhur italiyalı aktrisa Sabrina Ferillinin “Roma” futbol klubuna məhəbbəti əbədidir. Apasport.az saytının məlumatına görə, 46 yaşlı gözəlçə 12 il əvvəlki vədinin həmişə qüvvədə olduğunu açıqlayıb.

“Roma”nın rəsmi fan-klubunun üzvü olan Sabrina 1998-ci ildə “sarı-qırmızılar”ın çempion olacağı ilə bağlı vəd vermişdi: “Komandamız çempion olarsa, soyunub bədənimi hamınıza göstərəcəyəm”.

Ferillinin arzusu yalnız 3 ildən sonra gerçəkləşdi. Həmin vaxt məşhur kişi jurnalı “Max”a poza verən Sabrina açıq-saçıq şəkillərinin bəzədiyi təqvimin hazırlanmasını istəmişdi. Həmin təqvim isə 1 milyon nüsxədən artıq satılmışdı. Yenə komandasının çempionluq şansı olduğunu görən Sabrina növbəti açıqlamasını verib: “Sözümüz sözdür. “Sarı-qırmızılar” çempion olsa, yenə soyunacağam”.

Qeyd edək ki, “Roma” tarixi ərzində cəmi 3 dəfə (1941/42, 1982/83, 2000/01) İtaliya çempionu olub.