İyulun 19-da Kanadada atletika üzrə dünya çempionatı start götürəcək. Yığma komandamızın baş məşqçisi Məhərrəm Sultanzadənin apasport.az saytına verdiyi məlumata görə, bu yarışda Azərbaycan iki idmançı ilə təmsil olunacaq. 3000 metr məsafəyə qaçış xəttinə efiopiyalı legionerimiz Layeş Abdullayeva çıxacaq. 3 təkanla tullanmada isə ölkəmizin idman şərəfini Murad İbadullayev qoruyacaq.

Qeyd edək ki, 7 gün davam edəcək çempionatda atletlərimiz Nazim İsrafilov və Mətin Sazakın rəhbərliyi altında mübarizə aparacaqlar.